El xugar ye una cosa que cada día fae más falta a grandes y pequeños, y non nos referimos a xugar cola consola nin cola máquinona del chigre si non el facelo con más xente nun espaciu abiertu recuperando xuegos de la nuesa tradición asturiana. Con esi sen preparamos l'actividad de Xuegos Tradicionales que impartirá Carlos Suari.Si te gusta el movese apuntate a los Xuegos Tradicionales con
Carlos Suari.
Carlos Suari.
Les actividaes:
-El cursu de xuegos tradicionales p’adultos empobínase a una población variao que, como base, presenta bona gana de pasalo bien y reflexonar sobre la importancia de lo lúdico nel nuesu patrimoniu cultural. Por eso, toa persona con interés na tradición asturiana va tener la oportunidá de recibir otru puntu de vista sobre una estaya davezu escaecida y maltratada. Amás, perfiles profesionales como’l d’animador/a sociocultural, monitor/a de tiempu llibre, maestra/u o profesor/a, van sacar bon rendimientu d’esti cursu que tamién va tratar del significáu y la bayura lúdica asturiana, del so orixe y la so posible aplicación na sociedá actual. (2 h. / selmana)
-El cursu de xuegos tradicionales pa neños/es tien como oxetivu la recuperación d’estes manifestaciones lúdiques pa la vida y el desarrollu de la xente más mozo. Pieces bien estremaes de la nuesa tradición xugada van tar presentes nesti cursu que de la que colabora nel deprendimientu motor de les y los guah.es, esconsona’l so interés pol conocimientu y el dominiu d’estos xuegos, abriendo un camín d’autoestima pa cola cultura asturiana, pal diálogu interxeneracional sobre los nuesos raigaños. Too ello pasándolo mui bien y sudando un poco la camiseta. (1,5 h / selmana).
El profesor:
Carlos Suari llicencióse en ciencies de l’actividá física y del deporte en 2006 y continuó la so formación universitaria en ciencies de la educación y n’antropoloxía social y cultural. Perteneció a la primer y única xeneración de monitores y árbitros de deportes tradicionales na correspondiente federación onde tamién exerció como docente. Autor y coautor de dellos llibros y artículos nesta materia, participa de contino n’actividaes d’investigación, formación y divulgación del xuegu tradicional. Dientro de la RTPA dirixe dos programes selmanales nos que la motricidá tradicional ye prioridá.: ¡Acuto! y A galmiaes.
Si quies apuntate a les clases con Carlos fae la to inscripción nel 985 67 71 13
2 comentarios:
Mui bones. Soi Hugo Córdoba, mienbru de l'Asociacón Juvenil Naurenia.
Lo primero davos les gracies pola información, asina comu poles iniciatives en marcha, si me pudiera poner en nome de tola mocedá noreñense.
En cuantes que a la colaboración sobro los cursos, tenemos nós un conceyu esti vienres nós que falaremos tamien d'ello, anque personalmente paezme perbona la idega, ya'l nuesu sofitu dexuru que sedrá aprobau. Nesi casu, ya vos cuntaremos comu se averaran les coses dende Naurenia.
A nivel personal, ya que comu estudiante de maxisteriu per educación física, l'actividá en si, llamame munchísimo, tamien queria saber la duración y les hores, ya que ando metiu en demasiaos fregaos (amás d'estudiar) pa nun tener nin siquier cuasique dos hores selmanales llibres.
Asina que lo dicho, munches gracies (pola información y l'actividá)... y en ná ponemonos de nueu en contautu.
Salú, Hugo.
Soi yo de nuevu.
Si me pues facer per enriba una breve desplicación sobro cuales podrien ser les aiciones de sofitu nes actividaes (pa tener daqué que falar ente nós) dariate munchu les gracies.
Al poder ser enantes de mañana a les 16.30, y al correu de mio: hnorena7@hotmail.com
Gracies de nueu. Hugo.
Publicar un comentario